ADHD markþjálfun, fræðsla og ráðgjöf

Snilldin - ADHD markþjálfun, fræðsla & ráðgjöf býður upp á ýmsa þjónustu sem snýr að einstaklingum með ADHD og umhverfi þeirra.

Um Snilldina – ADHD markþjálfun og fræðsla

Eigandi Snilldarinnar er Kristín Björnsdóttir, ACC-vottaður markþjálfi með sérhæfingu í ADHD. Hún beitir styrkleikamiðaðri nálgun sem byggir á aðferðum jákvæðrar sálfræði og markþjálfunar til að vinna með þær hindranir sem einstaklingar með ADHD glíma gjarnan við í daglegu lífi.

Kristín býður upp á einstaklingsmiðaða ADHD markþjálfun þar sem markmiðið er að hjálpa fólki að öðlast dýpri skilning á áhrifum ADHD á þeirra líf og þjálfa upp hagnýta færni. Meðal þess sem unnið er með eru atriði eins og skipulag, tímastjórnun og tilfinningastjórnun – allt með það að leiðarljósi að auka vellíðan, yfirsýn og sjálfsstjórn.

Þjónusta:

ADHD markþjálfun – einstaklingsmiðuð þjálfun byggð á styrkleikum viðkomandi.
Almenn markþjálfun – fyrir þá sem vilja vinna að markmiðum sínum með leiðsögn.
Námskeið og fræðsla – fjölbreytt fræðsluerindi og námskeið um ADHD fyrir einstaklinga og aðstandendur.

Fyrirlestrar og fræðsla fyrir vinnustaði:

Kristín heldur einnig fyrirlestra og fræðslu fyrir vinnustaði, stofnanir og samtök. Þar má nefna:

Fyrirlestur um vinnustaði án aðgreiningar
Fyrirlestur um vellíðan á vinnustað fyrir skynsegin (neurodivergent) starfsfólk

Kristín Björnsdóttir

Kristín Björnsdóttir er ACC-vottaður ADHD markþjálfi með gráðu frá ADD Coach Academy (ADDCA) í New York – viðurkenndri stofnun með vottun frá bæði ICF (International Coaching Federation) og PAAC (Professional Association for ADHD Coaches).

Hún er með MPM gráðu í verkefnastjórnun og BA gráðu í stjórnmálafræði og vinnusálfræði, sem endurspeglar breiðan grunn í mannlegum samskiptum, skipulagi og hvatningu.

Áður en hún hóf störf sem markþjálfi starfaði Kristín í meira en áratug í sjálfboðaliða- og menntageiranum. Hún hefur gegnt lykilhlutverkum á borð við:

Framkvæmdastjóri Alþjóðlegra ungmennaskipta (AUS)
Verkefnastjóri hjá Rauða krossinum
Deildarstjóri erlendra nema hjá AFS á Íslandi

Í þessum störfum byggði hún upp dýrmæta reynslu í rekstri, áætlunargerð, fjármálum og mannlegum samskiptum – bæði við innlenda og erlenda samstarfsaðila, opinberar stofnanir og ungmenni. Einnig hefur hún komið að þróun og kennslu fjölbreyttra námskeiða og fræðslu, meðal annars um fjölmenningarleg samskipti, mannréttindi og áhættustjórnun.

Í dag sameinar Kristín þessa víðtæku reynslu við markþjálfun og brennur fyrir því að styðja, fræða og valdefla ADHD samfélagið með markvissri ráðgjöf, námskeiðum og fræðslu.

Sjá nánari upplýsingar á eftirfarandi linkum: