Laugarás Lagoon er einstakur áfangastaður á Suðurlandi þar sem náttúra, vellíðan og matargerð renna saman í eina heildstæða upplifun. Baðlónið stendur við bakka Hvítár í Laugarási, umkringt skógi og víðáttumiklu landslagi, þar sem gestir geta notið jarðhitavatns, gufubaða og kyrrðar í fallegu umhverfi. Á veitingastaðnum Ylju heldur upplifunin áfram í mat og drykk. Gísli Matt leiðir eldhúsið með áherslu á árstíðabundið hráefni úr nærumhverfinu og matargerð sem sækir innblástur í staðinn og náttúruna.